UniHub mbështet zhvillimin e ekonomisë së dijes përmes programeve universitare dhe pasuniversitare, kërkimit shkencor dhe projekteve që forcojnë aftësitë e të rinjve dhe profesionistëve.
Barleti ofron programe në ekonomi, financë, menaxhim, edukim, psikologji, shkenca sociale, IT, shëndetësi etj., duke kombinuar mësimdhënien me praktika, projekte të aplikuara dhe trajnime profesionale, në bashkëpunim me institucionet publike, bizneset dhe organizatat partnere.

Barleti angazhohet në aplikime praktike të TIK-ut, inteligjencës artificiale, zgjidhjeve cloud dhe platformave online, si dhe në trajnimin e studentëve dhe profesionistëve për aftësi dixhitale të avancuara
Kjo linjë adreson projektet dhe iniciativat që lidhen me transformimin dixhital, përdorimin e teknologjive të reja, zhvillimin e “smart labs” dhe shërbimeve dixhitale për arsimin, biznesin dhe administratën publike.

Barleti pozicionohet si “universitet sipërmarrës”, me një ekosistem që përfshin programe për start-up dhe scale-up, inkubim dhe mentorim biznesi, si dhe konsulencë për kompanitë.
Kjo linjë programore mbështet zhvillimin e sipërmarrjes, rritjen e konkurrueshmërisë së bizneseve, modelet e reja të biznesit, si dhe transferimin e njohurive nga akademia te tregu përmes projekteve të inovacionit të hapur dhe shërbimeve të konsulencës.

Përmes iniciativave si TripleCity dhe CityLab, Barleti eksploron zgjidhje për qytetin inteligjent, përmirësimin e shërbimeve urbane, optimizimin e proceseve në transport dhe shërbime, si dhe përdorimin e të dhënave për vendimmarrje më të mirë.
Kjo linjë përfshin projekte mbi planifikimin urban, përdorimin e hapësirave publike, mobilitetin e qëndrueshëm, teknologjitë “smart city” dhe rolin e qytetit si laborator i gjallë (living lab) për testimin e zgjidhjeve të reja.

Projektet lidhen me menaxhimin inteligjent të trafikut, shërbime të transportit urban më efikase, integrimin e teknologjive dixhitale në transport, si dhe komunikimin e sigurt dhe efektiv ndërmjet aktorëve të ndryshëm në qytet.
Kjo linjë fokusohet në studimin dhe testimin e zgjidhjeve inovative në transport, logjistikë dhe sisteme të komunikacionit, sidomos përmes CityLab dhe partnerëve të tij.

UniHub promovon kërkimin e aplikuar dhe projektet që lidhen me mbrojtjen e mjedisit, efikasitetin energjetik dhe përgjigjet ndaj ndryshimeve klimatike permes uljes se emetimit te gazrave dhe ricliklimit te tyre.
Jemi angazhuar në studime dhe projekte në fushën e mbrojtjes së mjedisit, energjisë efikase dhe zhvillimit të qëndrueshëm për biznese dhe komunitete, si pjesë e strategjive institucionale dhe bashkëpunimeve me sektorin privat dhe partnerë ndërkombëtarë.

Përmes programeve në arkitekturë, dizajn, teknologji informacioni dhe smart lab-eve, Barleti trajton tema që lidhen me ndërtimin inteligjent, menaxhimin e infrastrukturës dhe integrimin e teknologjive në sistemet urbane.
Kjo linjë programore mbështet dizajnin funksional dhe të qëndrueshëm, optimizimin e sistemeve teknike dhe dixhitale, si dhe krijimin e hapësirave fizike dhe virtuale ku testohen zgjidhje të reja infrastrukturore.

Barleti ka miratuar disa strategji institucionale që synojnë integrimin e parimeve të zhvillimit të qëndrueshëm në arsim, kërkim dhe veprimtari komunitare, duke u orientuar nga Objektivat e Zhvillimit të Qëndrueshëm të OKB-së.
Kjo linjë lidh projekte në fushat e gjelbra (green practices në kampus), politikat sociale, ekonominë e gjelbër, turizmin e qëndrueshëm dhe inovacionin shoqëror, për të krijuar zgjidhje të integruara që ndikojnë realisht në komunitet.

Barleti ka një gamë të gjerë programesh në shkencat mjekësore, psikologji, edukim fizik dhe sport, sociologji dhe punë sociale, si dhe Poliklinikën e Universitetit Barleti, që ofron shërbime dhe mbështetje për komunitetin.
Kjo linjë programore mbulon kërkimin dhe projektet në fushën e shëndetit publik, mirëqenies psikologjike, plakjes aktive, sportit dhe stilit të shëndetshëm të jetesës, si dhe sigurisë sociale, duke ndërlidhur edukimin, shërbimin klinik dhe politikat sociale.

Përmes fakultetit të Shkencave Sociale, Turizmit dhe Sportit dhe aktiviteteve kërkimore, Barleti angazhohet në studime dhe projekte për zhvillimin e turizmit të qëndrueshëm, menaxhimin e destinacioneve dhe promovimin e produkteve lokale. Kjo linjë programore mbështet analiza mbi industrinë e turizmit, trendet e konsumit ushqimor, bio-ekonominë, si dhe nisma praktike me studentë, biznese dhe komunitete lokale për promovimin e turizmit kulturor, natyror dhe kulinar.

Barleti zhvillon projekte në fushën e kulturës, trashëgimisë dhe industrive kreative, duke përfshirë digitalizimin e trashëgimisë (p.sh. kullat tradicionale shqiptare), studime kulturore dhe hapësira krijuese si Creative Maker Space dhe TripleCity.
Kjo linjë synon të mbështesë artistët, krijuesit, studentët dhe komunitetin në zhvillimin e produkteve dhe shërbimeve kreative, si dhe në ruajtjen dhe promovimin e identitetit kulturor përmes teknologjisë dhe sipërmarrjes.

Përmes Fakultetit të Ekonomisë, Qeverisjes dhe Drejtësisë, konferencave shkencore dhe projekteve kërkimore, Barleti trajton tema që lidhen me politikat publike, administratën, të drejtën, sigurinë kombëtare dhe zhvillimet institucionale.
Kjo linjë programore fokusohet në analiza ligjore dhe politike, reforma institucionale, qeverisjen e mirë, transparencën dhe pjesëmarrjen qytetare, duke kombinuar studimet teorike me raste praktike dhe bashkëpunime me institucione publike dhe organizata partnere.